ދިއްގަރުގައި ބޮޑު އީދުގެ ފޯރި

ދިއްގަރު ކައުންސިލުން ޑަބްލިއުޑީސީ އާއި ޖަމުޢިއްޔާތަކާއި ގުޅިގެން 1443 ވަނަ އަހަރުގެ އީދު ފާހަގަކުރުމަށް ތަފާތު ހަރަކާތްތަކެއް ކުރިއަށް ގެންގޮސްފިއެވެ. ހަރަކާތްތައް ފެށީ އީދު ދުވަހުގެ ހެނދުނު އީދު ނަމާދާއެކުއެވެ.

މިރަށުގެ ދެ މިސްކިތެއްގައި ވަނީ އީދު ނަމާދު ކޮށްފަ އެވެ. ނަމާދަށްފަހު ކުޑަކުދިންނަށް އީދު ހަދިޔާ ބެހުމާއި، ދިއްގަރު ސްކޫލުގެ އަލިކަލޭފާނު މާލަމުގައި ޑަބްލިއުޑީސީ އާއި ޖަމުޢިއްޔާތަކުން އީދު ސައި އިންތިޒާމްކުރި އެވެ. އީދު ދުވަހުގެ ހަވީރު ދިއްގަރު ޒުވާނުންގެ ޖަމުއްޔާއިން ވަނީ ތަފާތު މަޖާ ކުޅިވަރު ހަރަކާތްތައް ހިމެނޭ އާއިލީ ހަވީރެއް ކަމަށްވާ "އަޟުޙާ މަޖާ ކުޅިވަރު ހަވީރު" ބާއްވައިފަ އެވެ.

އަދި މީގެ އިތުރުން ދިއްގަރު އެކުވެރީ ޒުވާނުންގެ ގުޅުމުން އިންތިޒާމުކޮށްގެން މުލަކު ގްރޫޕްގެ ސަޤާފީ މިއުޒިކް ޝޯއެއް ވަނީ ބޭއްވިފައެވެ.

އީދު ދުވަހުގެ މުނާސަބަތުގައި އީދު މުބާރިކް ޑިޒައިންކޮށް އަލިކުރުމުގެ މުބާރާތް "އީދު މުބާރިކް ޗެލެންޖް" އަދި ތިން ޑިވިޝަނަކަށް ހުޅުވާލައިގެން އަލަށް ހިއްކާފައިވާ ބިން ސަރަހައްދުގައި ވައްރޮނގު ޗެލެންޖް މުބާރާތެއް ކުރިޔަށް ގެންދެވިފައި ވެއެވެ. ބޮޑުބެރު އަދި އަންހެނުން ޑީއީޒެޑްޖީގެ މިއުޒިކް ޝޯ، ޖުލައި 12، ޑީޒެޑްޖޭގެ ލަންގެރީ ޝޯ އަދި ޖުލައި 13 ވަނަ ދުވަހު ޑީއީޒެޑްޖީގެ ލަންގެރީ ޝޯ ވަނީ ކުރިއަށް ގެންގޮސްފަ އެވެ.